كريم إلي هو صاحب Dr_LoVe ازا بتعرفوا طالع من المحاضرة مش شايف قدامة , و لانو كربم محظوظ كتير , قعد بالكفيتريا جمب خمس صبايا
بيقول كريم :-
هل خمس صبايا هدول متجمعات مثل الهم على القلب , طبعا الرؤوس الى الاسفل , و الاذان و الافواه مفتوحة على وسعها , و العيون بتراقب حركة الكل , و على الطاولة ( كوم سندويش ) - الصبايا عاملين روجيم من فئة XXL - و القال و القيل يدور بينهن .
سوسو ( سميرة سابقا) : اسمعت انه خديجة راحت على أستاذ الكيميا على مكتبه , و قعدت عندة نص ساعة , وشميتلك خبر انه راح يحطلها بالمادة 80% يا ستي العلامات لناس و ناس ... بصريح العبارة فش خبر يسر البال . فوفو لا تجيب بأي كلمة لأنها فاضية ( للفغم) من السندويشة .
فترد عليها كوكو ( كوثر قبل ما تفوت الجامعة ) : " انت مو عارفه انها لابسه بلوزة جديدة لونها ( بنزرقي ) و مفصليتها تفصيل , و بتعرفي انها بتحط على عيونها ( لنسرز) و مع شوية مكياج بتطلع حلوة (بقلبها بتحكي مثل القرد الممعوط ) يعني مكيفه على حالها وهي مشرشحه و احنا عارفين مين اهلها شحادة بنت شحادين .
فوفو (معدل من فاطمة) : شوفتو وفاء كانت واقفة مع "عبسي الهامل اكيد اعرفتوا " ولما تحكيلها ليش كنت واقفه معه بتذوب خجل وبتحكيلك أنا ما بوقف مع شباب , و مبارح لقيتها بالحمام بتدخن يا ستي عالأخلاق , فعلا إلي استحو ماتو طخ .
جيجي (اختصار ل جميلة ) يا ختي سالم إله اسبوع بيطلع علي و ودالي كوثر حتى تحكي معي بس فشر بعينه , وله لأنشفله دمه حتى يزبطني , بفكرني هبله و خوثه مثل كوثر.
فوفو : خليك على هالرشه خطيتك برقبة أختك فوفو , الشباب هالايام ما بيجو إلا بالدعس .
عاشه ( تعديل محلي للهجة بالأصل عائشة ) : ولما قعد بجمبي بالباص حكالي : عاشه والله أنا بعزك معزة خاصة يعني أكثر من معزة الصداقة و الزمالة , يعني زي ما تقولي بودك أو عزيزة علي كثير , أو بعبارة ثانيه باستلطفك و بريدك وخالتي سألتني عنك وبنت عمي شاط شعر راسها لما سمعت سيرتك , و امي بتحبك و خواني بيحبوك ... و انا باحترمك .. ( تنهد لمدة 45 ثانية تشفط بها كل الهوا بالكفتيريا). العمى يضربه ما بيعرف يحكي بحشبك . و تطبطب كوكو على كتفها معزيه: ولا يهمك يا حبيبتي , هو لوح وحياته ملاخمه ومعاه بيحكيلك بحبك خطيتك برقبتي ... احلقيله على الناشف إريحلك .
اما وحدة من الصبايا اقترحت اطولوا احلا شب في قسم العلاج الوطيفي و الطبيعي و بلشوا زي ما كريم الي انوا طوشة و امت في الحكي و ما شاء اللة صوتهم كان واطي كتير يعني الحارة التانية الي جنب الجامعة عرفت لمهم ..... الخمس صبايا رسوا انوا حمودة الي هو انا احلا شب في القسم وحدة منهم الت سمارو حلو و الثاني قلت لبسو و زوقوا في البس و الثالثة قلت سيارتوا والرابعة قالت كل بنات الجامعة عينهم علي و الخامسة شو بتقول واللة انوا شاب نيس كتير نيال احبيبتوا ..............
.... هذة القصة حقيقي انتظروا منا التسجيل الصوتي للبنات المجنونات في اقرب وقت ...
........>>كتابة كريم و >>Dr_LoVe بمساعدة التسجيل الصوتي ههههههههههههههههههه
الخميس يونيو 12, 2008 8:41 pm